EINFALDAÐU FERÐINA AUKTU ÁNÆGJUNA

Blue Car Rental hefur hlotið viðurkenninguna Vinnustaður í fremstu röð 2025 frá Moodup, Viðurkenningin er veitt þeim sem sýna í verki að þeir hugsa vel um starfsfólk sitt og tryggja því framúrskarandi starfsumhverfi. 

Viðurkenningin er veitt fyrirtækjum sem uppfylla þrjú lykilskilyrði: 

• mæla starfsánægju reglulega
• bregðast markvisst við endurgjöf starfsfólks 
• ná viðmiði um árangur samanborið við aðra vinnustaði í lokamælingu tímabilsins

Þessi árangur endurspeglar skýra stefnu Blue Car Rental um að skapa jákvætt og styðjandi starfsumhverfi þar sem rödd starfsfólks skiptir máli. Lögð er áhersla á opna samskiptamenningu, virka hlustun og stöðugar umbætur í daglegu starfi.

“Við erum afar stolt af þessari viðurkenningu. Hún staðfestir að sú vinna sem við leggjum í vellíðan og upplifun starfsfólks skilar raunverulegum árangri.” Segir Jónína Magnúsdóttir mannauðsstjóri.

Blue Car Rental mun áfram leggja áherslu á að efla starfsánægju og þróa vinnustaðinn í takt við þarfir starfsfólks og framtíðarsýn fyrirtækisins.

Blue Car Rental var á meðal þátttakenda á Mannamótum 2026 sem fram fóru í Kórnum í Kópavogi 15. janúar. Fyrirtækið sendi tvo fulltrúa á svæðið, þá Halldór Kristinn og Ara Hermóð, sem stóðu sig með stakri prýði og kynntu þjónustu Blue Car Rental fyrir gestum og samstarfsaðilum.  

Blue Car Rental er eitt stærsta ferðaþjónustufyrirtæki landsins og var með bás á Reykjanessvæðinu. Fjöldi gesta gaf sér tíma til að spjalla, fræðast um þjónustuframboð fyrirtækisins og styrkja tengsl innan greinarinnar. Ótal ferðaþjónustuaðilar alls staðar af landinu voru á Mannamótum og ríkti mikil og jákvæð stemning á svæðinu.

„Það var gaman að sjá samstarfið á milli samkeppnisaðila. Það eru allir til í að hjálpast að, þó þeir séu í samkeppni,“ segir Ari Hermóður um andrúmsloftið á Mannamótum.

Mannamót er stærsti viðburður íslenskrar ferðaþjónustu og er haldinn árlega í janúar. Viðburðurinn er skipulagður af Markaðsstofum landshlutanna og veitir fyrirtækjum í ferðaþjónustu á landsbyggðinni einstakt tækifæri til að kynna þjónustu sína og vöruframboð. Á sama tíma geta ferðaskrifstofur og ferðaþjónustuaðilar af höfuðborgarsvæðinu sent starfsfólk sitt á sýninguna til að „fara hringinn í kringum landið“ á örfáum klukkutímum og kynnast fjölbreyttu framboði greinarinnar.

Markmið Mannamóta er að skapa vettvang þar sem tengslamyndun, samstarf og kynning á íslenskri ferðaþjónustu fær að blómstra. Viðburðurinn er hluti af Ferðaþjónustuvikunni sem fram fór dagana 13.–15. janúar og lauk með Mannamótum.

Þátttaka Blue Car Rental á Mannamótum undirstrikar mikilvægi samstarfs, tengslamyndunar og áframhaldandi uppbyggingar íslenskrar ferðaþjónustu.

Hjá Blue Car Rental leggjum við áherslu á að starfsfólkið okkar líði vel því heilbrigt og hvetjandi vinnuumhverfi er forsenda góðrar þjónustu og sterkrar liðsheildar. Við trúum því að heilbrigt vinnuumhverfi sé grunnurinn að góðri þjónustu, öflugum teymum og jákvæðri fyrirtækjamenningu.

Til að styðja við þessa sýn höfum við innleitt þrjú lykilverkefni sem vinna saman að því markmiði að skapa öruggan og hvetjandi vinnustað:

Velferðartorg Blue í gegnum Kara Connect er vettvangur fyrir starfsfólk til að sækja sér fræðslu með lesefni og fyrirlestrum sem miða að því að auka vellíðan. Þar má finna efni um jafnvægi milli vinnu og einkalífs, hreyfingu, svefn, næringu og ráðgjöf allt á einum stað. Starfsfólk getur einnig bókað 3 tíma á ári hjá sérfræðingi sér að kostnaðarlausu.

EKKO-áætlunin stendur fyrir Aðgerðir gegn einelti, ofbeldi og kynferðislegri áreitni. Hún markar skýra afstöðu Blue Car Rental: að engin birtingarmynd slíks hegðunar sé liðin. Með fræðslu, viðbragðsferlum og opnum samtölum viljum við tryggja að starfsfólk upplifi öryggi, virðingu og traust í vinnunni.

SamskiptastefnaBlue, sem ber heitið Leiðin, er sameiginleg yfirlýsing starfsfólks um hvernig við viljum umgangast hvert annað í daglegu starfi og samskiptum. Hún er samin í samvinnu við starfsfólk og byggir á gildum Blue Car Rental sem eru: sveigjanleiki, heiðarleiki, umhyggja og framsækni. 
Markmiðið er að skapa vinnuumhverfi þar sem traust, virðing og samvinna eru í fyrirrúmi – þar sem fólk finnur að framlag þess skiptir máli og að allir hafi rödd.

Viðverustefna Blue sem ætlað er að styðja við, hlúa að starfsfólki og skapa vinnustað sem leggur áherslu á gott starfsumhverfi sem styður og sameingar þarfir starfsfólks og fyrirtækis. Hún styður með samræmdum og sanngjörnum hætti við fjarveru frá vinnu vegna veikinda, slysa eða áfalla um lengri eða skemmri tíma.

Verkefnin eru öll innleidd með það markmið að vinna stöðugt að velferð starfsfólks. Við vitum að það krefst stöðugrar vöktunar og vökvunar. Þegar starfsfólkið líður vel, gengur fyrirtækinu vel.

Blue Car Rental hefur nú tekið í notkun nýjan og fullkominn sprautuklefa frá UZI Italia, sem styrkir vinnuferla og eykur afkastagetu á verkstæðinu verulega. Klefinn er liður í heildaruppbyggingu þjónustu Blue og styður við markmið fyrirtækisins um öryggi, einfaldleika og áreiðanleg gæði.

Framkvæmdir við verkstæðið hófust í mars og fólu meðal annars í sér flutning og endurskipulagningu á sprautuverkstæði. Rúðuverkstæðið var flutt í nýtt rými, réttingarverkstæði sett upp í sér rými og blöndunaraðstaða málningardeildar uppfærð. Í júní hófst undirbúningur fyrir grunnvinnu nýja klefans og í ágúst kom sérfræðingur frá UZI Italia til að leiða uppsetninguna. Verkstæðið var tekið í fulla notkun í byrjun september.

Með þessum breytingum hefur deildin nú tvo klefa þar sem hægt er að grunna, mála, slípa og baka í sama klefanum, ásamt þeim klefa sem þegar var til staðar. Þessar viðbætur tryggja meiri hraða, stöðugleika og betri nýtingu í daglegum verkefnum.

Ágúst Aðalbjörnsson, yfirmaður sprautuverkstæðis Blue Car Rental, segir framkvæmdina stórt framfaraskref:

„Við erum gríðarlega ánægð með nýja klefann og þær breytingar sem fylgdu honum. Þetta er góð viðbót fyrir teymið og skilar sér bæði í bættri vinnuaðstöðu og enn hærri gæðum á þeim bílum sem fara út til viðskiptavina. Þetta er fjárfesting sem mun nýtast Blue til langs tíma.“

Með þessari uppfærslu hefur Blue Car Rental skapað eitt besta vinnuumhverfi sem þekkist í þessum geira á Íslandi. Endurbætt aðstaða og háþróuð tækni tryggja að hver bíll sem fer út uppfylli ströngustu gæðakröfur og styður þannig við loforð Blue um örugga, trausta og áhyggjulausa upplifun.

Blue Car Rental er Framúrskarandi fyrirtæki árið 2025. Viðurkenningin var veitt af Creditinfo Ísland við hátíðlega athöfn í Hörpu þann 30. október sl.

Aðeins þau fyrirtæki sem skara fram úr í rekstri og uppfylla ströng skilyrði Creditinfo hljóta þessa viðurkenningu. Það var því sérstaklega ánægjulegt fyrir stjórnendur Blue Car Rental að taka á móti viðurkenningunni fyrir hönd fyrirtækisins.

Fyrir hönd Blue Car Rental tóku við viðurkenningunni; 

Magnús Sverrir Þorsteinsson, forstjóri, Þorsteinn Þorsteinsson, framkvæmdastjóri, Sævar Sævarsson, aðstoðarframkvæmdastjóri og Birgir Ólafsson, fjármálastjóri.

Stolt og hvatning til framtíðar

Blue Car Rental er í flokki stórra fyrirtækja og ein af fáum bílaleigum landsins sem hafa hlotið þessa nafnbót í þeim flokki. 

Þetta er í annað sinn á tveimur árum sem fyrirtækið hlýtur viðurkenninguna, sem endurspeglar öflugan og traustan rekstur þess.

Viðurkenningin er jafnframt mikilvæg hvatning til framtíðar. Blue Car Rental hyggst áfram leggja áherslu á að þróa þjónustu sína, fjárfesta í nýjum lausnum og styrkja stöðu sína sem leiðandi afl í ferðaþjónustu á Íslandi.

Hér má lesa um fyrri viðurkenningu Blue Car Rental frá árinu 2024.

Viðurkenning fyrir árangur og traustan rekstur

Í 16 ár hefur Creditinfo unnið greiningu á rekstri íslenskra fyrirtækja og veitt Framúrskarandi fyrirtækjum viðurkenningu fyrir árangurinn.

Vottunin er mikilvægur þáttur í að efla traust og sýnir fram á stöðugleika, ábyrgð og fagmennsku þeirra fyrirtækja sem standast ströng skilyrði Creditinfo. Aðeins lítill hluti íslenskra fyrirtækja fær þessa viðurkenningu ár hvert.

Lesa má nánar um viðurkenninguna á vefsíðu Creditinfo.

Þann 23. október síðastliðinn fór fram styrktarafhending frá Góðgerðarfesti Blue Car Rental 2025, þar sem rúmlega 30 milljónir króna voru afhentar til 25 góðgerðamála á Suðurnesjum og víðar.

Afhendingin fór fram á aðalútleigustöð Blue Car Rental að Blikavöllum 3 við Keflavíkurflugvöll, þar sem fulltrúar styrkþega tóku á móti styrkjunum sínum.

Allir styrkirnir komu frá framlögum fyrirtækja og einstaklinga sem tóku þátt í Góðgerðarfestinu í ár, og runnu óskipt til góðra málefna.

Styrkþegar Góðgerðarfests Blue Car Rental 2025

Þetta eru þau félög sem hlutu styrki frá Góðgerðarfesti Blue Car Rental árið 2025, ásamt stuttri kynningu á þeirra þarfa og góða starfi:

• Ásgarður – Stuðningsúrræði og þjónusta fyrir einstaklinga með fjölbreyttar þarfir í Sandgerðisskóla.
  
   
• Björgin – Stuðningsmiðstöð sem veitir ráðgjöf, fræðslu og aðstoð fyrir einstaklinga og fjölskyldur í vanda.
  
   
• Björgunarsveitin á Suðurnesjum – Sinnir mikilvægu björgunar- og öryggisstarfi á svæðinu, jafnt á landi sem sjó.
  
   
• Dagdvöl aldraða – Veitir eldri borgurum á Suðurnesjum félagsskap, umönnun og stuðning í daglegu lífi.
  
   
• Eikin – Sérúrræði fyrir börn og ungmenni með fjölbreyttar þarfir, með áherslu á öruggt og uppbyggilegt umhverfi í Holtaskóla
  
   
• Gerðaskóli – Stuðningsúrræði og þjónusta fyrir einstaklinga með fjölbreyttar þarfir í Gerðaskóla.
  
   
• Háaleitisskóli – Stuðningsúrræði og þjónusta fyrir einstaklinga með fjölbreyttar þarfir í Háaleitisskóla.
  
   
• Heiðarholt – Skammtímadvöl fyrir einstaklinga með stuðningsþarfir.
  
   
• Hjallatún – Leikskóli sem heldur úti sérstöku skynjunarherbergi sem veitir börnum með sérstakar stuðningsþarfir öruggt og róandi rými til að efla einbeitingu og vellíðan.
  
   
• Hlýjan – Hlýjan er nýtt, gjaldfrjálst úrræði í Reykjanesbæ sem býður 13–18 ára ungmennum upp á einstaklingsmiðaða ráðgjöf, hlýjan stuðning og lausnamiðaðar viðtölur til að efla andlega líðan og vellíðan.
  
   
• Hæfingarstöðin – Dagþjónusta fyrir fatlað fólk.
  
   
• Íþróttafélagið Nes – Íþróttafélag fatlaðra á Suðurnesjum sem býður fjölbreytta íþróttastarfsemi fyrir börn og fullorðna.
  
   
• Krabbameinsfélag Suðurnesja – Styrkir forvarnir, fræðslu og stuðning við einstaklinga og fjölskyldur sem glíma við krabbamein.
  
   
• Lindin – Sérúrræði fyrir nemendur í Akurskóla.
  
   
• Minningarsjóður Ölla – Styður við börn og ungmenni í íþróttum og menningu til heiðurs minningu Ölla.
  
   
• Minningarsjóður Ragga Margeirs – Leggur sitt af mörkum til góðgerðarmála á Suðurnesjum til minningar um Ragga Margeirs.
  
   
• Njarðvík – körfuboltaæfingar fyrir börn með sérþarfir – Verkefni sem skapar vettvang fyrir börn með sérþarfir til að æfa körfubolta
  
   
• Öspin – Sérúrræði fyrir nemendur í Njarðvókurskóla.
  
   
• Píeta – Samtök sem vinna að sjálfsvígsforvörnum og bjóða upp á ókeypis ráðgjöf fyrir einstaklinga í sjálfsvígshættu og aðstandendur þeirra.
  
   
• Rauði krossinn á Suðurnesjum – Vinnur að mannúðarmálum og félagslegum stuðningi í nærsamfélaginu.
  
   
• Reykjadalur – Styrktarfélag lamaðra og fatlaðra og hefur frá upphafi verið frumkvöðull í þjónustu við fötluð börn og ungmenni. Meginmarkmið félagsins er að stuðla að velferð fólks með fötlun, þá einkum barna.
  
   
• Riddaragarður Stóru Vogaskóli – Sérverkefni innan Stóru Vogaskóla sem styður börn með sérþarfir í skapandi og hvetjandi umhverfi.
  
   
• Suðurhlíð – Miðstöð fyrir þolendur ofbeldis.
  
   
• Þingvellir – Stuðningsúrræði og þjónusta fyrir einstaklinga með fjölbreyttar þarfir í Heiðarskóla
  
   
• Viðja – Stuðningsúrræði og þjónusta fyrir einstaklinga með fjölbreyttar þarfir í Millubakkaskóla.
  
   

Þessi fjölbreytti hópur styrkþega endurspeglar það sem Góðgerðafest Blue Car Rental stendur fyrir. Sem er samfélagslega samstöðu, kærleik og stuðning við þau sem vinna óeigingjarnt starf í þágu annarra.

Metsöfnun: Yfir 30 milljónir í góð málefni

Í ár safnaðist metupphæð, en alls komu yfir 30 milljónir króna á Góðgerðafesti Blue Car Rental 2025. 

Góðgerðafest Blue Car Rental hefur verið haldin sex sinnum frá upphafi, og með afhendingunni í ár hefur yfir 100 milljónum króna verið úthlutað til góðgerðamála á fimm árum.

Tilgangur Góðgerðafests hefur frá fyrsta degi verið skýr: að styðja við samtök, skóla og úrræði sem vinna ómetanlegt starf í nærumhverfinu.

Blue Car Rental þakkar öllum sem tóku þátt í Góðgerðafest 2025 – fyrirtækjum, einstaklingum og gestum hátíðarinnar fyrir frábæran árangur og ómetanlegan stuðning.

Myndir frá styrktarafhendingunni og Góðgerðafesti 2025 hafa þegar verið birtar á samfélagsmiðlum Blue Car Rental.

• Instagram
• Facebook

Góðgerðarfest Blue Car Rental var haldin í fimmta sinn 18. október sl. og sló söfnunin í ár öll fyrri met. Í heildina hafa nú safnast yfir 100 milljónir króna og hefur hver einasta króna runnið til góðra málefna.

Tilgangur Góðgerðarfestar er, og hefur ávallt verið, að safna fjármunum til verkefna sem eru mikilvæg fyrir samfélagið. Má þar nefna Hæfingarstöðina, Íþróttafélagið NES, auk sérúrræða grunnskóla og dagdvalar aldraðra.  Í ár bárust yfir 60 umsóknir um styrk og þurfti að velja úr fjölmörgum verðugum verkefnum. Lagt var sérstök áhersla á málefni sem styðja einstaklinga með meiri stuðningsþarfir en aðrir og félög sem vinna mikilvægt starf fyrir börn og fjölskyldur þeirra.

Starfsfólk Blue Car Rental hafa á liðnum vikum farið víða í heimsóknir og séð með eigin augum hversu miklu styrkirnir skipta í daglegu starfi þessara samtaka. “Með því að kynna málefnin og segja sögur þeirra viljum við vekja athygli á því frábæra starfi sem unnið er í samfélaginu okkar. Og í leiðinni hvetja fleiri til að taka þátt.”

„Við erum ótrúlega stolt af þessari hátíð. Það er frábært að geta stutt þessi málefni og séð áhrif þeirra með eigin augum. Hver króna skiptir máli fyrir þessi félög og samtök,“ segir Þorsteinn Þorsteinsson, framkvæmdastjóri Blue Car Rental.

Samstaða sem skilar raunverulegum áhrifum

Stuðningur fyrirtækja, einstaklinga og sjálfboðaliða er hornsteinn Góðgerðarfest Blue Car Rental. Markmið hátíðarinnar er að virkja nærumhverfið, efla tengsl og beina fjármunum þangað sem þeirra er mest þörf.

„Góðgerðarfest er ekki aðeins skemmtun, hún er afrakstur samstöðu sem skilar sér í raunverulegum umbótum á Suðurnesjum og víðar,” segir Magnús Sverrir Þorsteinnsson, forstjóri Blue Car Rental.

Samfélag, gleði og framtíðarsýn

Frá því að Góðgerðafest var fyrst haldin hefur hátíðin stækkað ár frá ári. Á sex árum hefur hún þróast úr hugmynd á verkstæði í einn stærsta góðgerðarviðburð landsins og orðið tákn um það hvað samvinna og góðvild geta skapað.

Í ár mættu um 900 gestir, rúmlega 100 fyrirtæki og einstaklingar styrktu verkefnið og söfnuðust yfir 30 milljónir króna, sem verða úthlutaðar til 25 málefna. Heildarsöfnun Góðgerðafestar á þessum sex árum nemur nú yfir 100 milljónum króna.

Ósvikin októberhátíðarstemning

Í ár var Reiðhöllinni hjá Mána í Reykjanesbæ breytt í einstakt hátíðarrými þar sem tónlist, gleði og samhugur var í forgrunni.

Gestir mættu í hefðbundnum októberhátíðarbúningum, lederhosen og dirndl-kjólum, og gæddu sér á pylsum, snitzel og pretzel líkt og tíðkast á hátíðum í Bæjaralandi. Samhliða tónlist, mat og samveru skapaðist einstök stemning sem hefur verið einkennandi fyrir Góðgerðafest frá fyrstu tíð.

Þakkarorð

Blue Car Rental vill senda innilegar þakkir til fyrirtækja, félaga, listamanna og gesta og allra þeirra sem tóku þátt í að gera Góðgerðarfest 2025 að ógleymanlegri hátíð

Lesa má meira um áhrif styrkjanna og sjá myndir frá heimsóknum og hátíðinni á samfélagsmiðlum Blue Car Rental

·        Instagram

·        Facbook

·        Youtube

Hér má einnig er að finna nánari upplýsingar um Góðgerðafest, fyrri úthlutanir og samfélagsverkefni Blue Car Rental.

Starfsfólk Blue Car Rental tók virkan þátt í starfsgreinakynningu fyrir grunnskólanemendur á Suðurnesjum, sem haldin var þriðjudaginn 14. október í Blue höllinni í Reykjanesbæ.
Kynningarbás fyrirtækisins vakti mikla athygli og fékk jákvæð viðbrögð, þar sem nemendur fengu að fræðast um fjölbreytt störf hjá Blue Car Rental.

Fulltrúar Blue Car Rental sýndu nemendum fjölbreytta starfsemi fyrirtækisins. Allt frá þjónustu við viðskiptavini og daglegum rekstri til viðhalds, viðgerða og sérhæfðra starfa á sviðum fjármála, markaðsmála og tæknimála.
Margar spurningar bárust frá áhugasömum nemendum sem vildu vita meira um störf hjá Blue og hvernig starfið fer fram í raunveruleikanum.

Frá Blue Car Rental tóku sex starfsmenn þátt í kynningunni:

Berglind – fjármáladeild

Eiður – upplýsinga- og tæknisvið

Stefanía – markaðssvið

María – þjónustusvið

Ágúst – sprautu- og réttingaverkstæði

Ingiberg – bílaverkstæði

Blue Car Rental er stærsta íslenska bílaleiga landsins, með um 100 starfsmenn yfir árið. Hjá fyrirtækinu starfar fjölbreyttur hópur fólks með ólíkan bakgrunn og sérþekkingu, sem endurspeglar víðtæka starfsemi þess og hefur átt stóran þátt í árangri fyrirtækisins á undanförnum árum.

Starfsgreinakynningin er árlegur viðburður haldinn af Sambandi sveitarfélaga á Suðurnesjum í samstarfi við Þekkingarsetur Suðurnesja. Þar fær ungt fólk á Suðurnesjum tækifæri til að kynnast þeim fjölmörgu störfum sem í boði eru í heimabyggð og styðja við markvissar ákvarðanir um framtíðarnám og starfsval.

Starfsfólk Blue Car Rental var afar ánægt með að fá tækifæri til að taka þátt í deginum og kynna fyrir nemendum þá fjölbreyttu möguleika sem felast í starfi hjá fyrirtækinu.

Blue Car Rental hefur hlotið viðurkenningu sem fyrirmyndarfyrirtæki í rekstri árið 2025 frá Viðskiptablaðinu og Keldunni. Þetta er þriðja árið í röð sem fyrirtækið fær þessa viðurkenningu, og hefur því verið á listanum frá árinu 2023.

Viðurkenningin Fyrirmyndarfyrirtæki í rekstri er veitt fyrirtækjum sem skara fram úr þegar kemur að rekstrarárangri, stöðugleika og áreiðanleika í fjármálum. Til grundvallar liggur ítarleg greining á rekstrartölum, eiginfjárhlutfalli og greiðsluhæfi, auk þess sem tekið er mið af samanburði við aðrar sambærilegar atvinnugreinar.

Blue Car Rental hefur á síðustu árum fest sig í sessi sem eitt traustasta og farsælasta bílaleigufyrirtæki landsins. Viðurkenningin endurspeglar ekki aðeins góða afkomu fyrirtækisins heldur einnig traust og viðurkenningu í samfélaginu, bæði hjá viðskiptavinum og samstarfsaðilum.

Listinn yfir Fyrirmyndarfyrirtæki í rekstri hefur ekki enn verið birtur opinberlega, en hann mun koma út í Viðskiptablaðinu og á vef Keldunnar um miðjan október. Aðeins hluti fyrirtækja á Íslandi uppfyllir þau ströngu viðmið sem sett eru, sem gerir þessa viðurkenningu enn verðmætari.

Blue Car Rental er nú stoltur styrktaraðili fimleikadeildar Keflavíkur. Með stuðningnum undirstrika forsvarsmenn fyrirtækisins mikilvægi þess að efla íþróttastarf barna og ungmenna á Suðurnesjum og tryggja þeim öruggt, uppbyggilegt umhverfi til að vaxa og dafna.

Samfélagsleg ábyrgð er jafnframt stór hluti af starfsemi Blue Car Rental og innan fyrirtækisins ríkir sú trú að sameiginlegt átak fyrirtækja og íbúa geri nærumhverfið sterkara.

Stjórnendur Blue Car Rental lýsa þakklæti yfir því að fá að taka þátt í þessu samstarfi með fimleikadeild Keflavíkur. Þeir líta á verkefnið sem enn eitt skrefið í að fylgja stefnu fyrirtækisins: Simplify the ride, amplify the joy – með það að markmiði að stuðla að jákvæðum áhrifum fyrir nærsamfélagið og viðskiptavini.

Blue Car Rental er meðal aðalstyrktaraðila Ljósanætur 2025 og því hluti af hópi „Ljósbera“ sem standa að baki hátíðinni. Ljósanótt verður haldin í 24. sinn dagana 4.–7. september og er ómissandi viðburður í Reykjanesbæ þar sem menning, listir og samfélag sameinast í einni fjölmennustu hátíð ársins á Suðurnesjum.

Við hjá Blue Car Rental erum stolt af því að vera hluti af þessum hópi fyrirtækja sem leggja sitt af mörkum til að gera hátíðina að veruleika. Með stuðningi sínum taka Ljósberarnir virkan þátt í að auðga bæjarlífið og styrkja um leið þá þætti sem eru órjúfanlegur hluti þess að skapa starfsmönnum og viðskiptavinum eftirsóknarvert umhverfi til að lifa og starfa í.

"Að vera Ljósberi er fyrir okkur ekki aðeins merki um fjárhagslegan stuðning heldur tákn um samfélagslega ábyrgð. Fyrirtæki á svæðinu hafa mikilvægu hlutverki að gegna í að efla mannlífið, standa með menningu og listum og skapa þannig bæjarstemningu sem íbúar og gestir geta verið stoltir af," segir Þorsteinn Þorsteinsson, framkvæmdastjóri Blue Car Rental.

Við hlökkum til að fagna Ljósanótt 2025 með bæjarbúum og gestum og leggja okkar af mörkum til að hátíðin verði eftirminnileg. Rétt eins og hún hefur verið í rúma tvo áratugi.

Opið er nú fyrir umsóknir í styrki frá Góðgerðarfest Blue Car Rental. Við hvetjum því félagasamtök, stofnanir og öll þau sem starfa að mikilvægum samfélagslegum verkefnum til að sækja um.

Góðgerðarfestið hefur á undanförnum árum orðið mikilvægur vettvangur til að styðja góð málefni í okkar nærsamfélagi. Á síðasta ári söfnuðust rúmlega 25 milljónir króna sem runnu óskiptar til 17 málefna. Meðal þeirra sem hlutu styrki voru Krabbameinsfélag Suðurnesja, Þroskahjálp, Hæfingarstöðin, Björgin og fleiri mikilvæg verkefni sem vinna ómetanlegt starf.

Hver umsókn skiptir máli og gerir okkur kleift að styðja þau mikilvægu málefni sem þurfa á aðstoð að halda. Við tökum með þakklæti á móti öllum umsóknum.

👉Sækja um styrk

Jafnframt viljum við þakka öllum þeim fyrirtækjum og einstaklingum sem hafa lagt söfnuninni lið á undanförnum árum. Án ykkar væri þetta ekki mögulegt. Við hlökkum til að halda áfram þessari vegferð og styrkja enn fleiri góð málefni árið 2025.

Í lok maí fengu við þær Ingu Lind og Freydísi, nemendur í 10. bekk í Heiðarskóla, í starfskynningu hjá Blue Car Rental. Þar fengu þær að kynnast fjölbreyttu og skemmtilegu starfi bílaleigunnar og fylgjast með hvernig dagurinn gengur fyrir sig á mismunandi starfsstöðvum fyrirtækisins.

Dagurinn hófst á aðalskrifstofu Blue Car Rental við Hafnargötu 55 þar sem þær sátu meðal annars vikulegan stöðufund og fengu innsýn í skipulag og daglegt starf stjórnenda. Eftir það héldu þær á Blikavelli, þar sem aðal útleigustöð og þvottastöð fyrirtækisins er staðsett. Þar fengu þær að kynnast starfsemi okkar á svæðinu og fylgjast með þjónustu við viðskiptavini og umhirðu bílaflotans. Að lokum lá leiðin á Hólmbergsbraut, þar sem verkstæði Blue Car Rental er staðsett, og þar fengu þær að sjá hvernig við þjónustum og viðhöldum bílunum okkar.

Við viljum þakka Ingu Lind og Freydísi fyrir heimsóknina. Það var frábært að fá þær í heimsókn, og við óskum þeim alls hins besta í framtíðinni.

Birgir Ólafsson, fjármálastjóri Blue Car Rental, var einn af þremur ræðumönnum á ráðstefnu Samtaka ferðaþjónustunnar (SAF) um áætlunargerð í ferðaþjónustu sem haldin var 26. maí síðastliðinn. 

Ráðstefnan sem bar yfirskriftina „Betri yfirsýn – bættur rekstur“, var haldin í samstarfi við KPMG og Advise og var streymt beint frá höfuðstöðvum SAF í Borgartúni. 

Markmið ræðumanna á ráðstefnunni var að svara spurningunni: Hvernig getur áætlunagerð og bætt innsýn í rekstartölur aukið árangur í starfi?

Lifandi áætlun í breytilegu umhverfi

Í erindi sínu „Lifandi áætlun í breytilegu umhverfi“ deildi Birgir hagnýtum lausnum í áætlunargerð og lagði áherslu á mikilvægi þess að hafa skýra yfirsýn yfir tekjur, kostnað og markaðsbreytur:

„Lifandi áætlun kallar á virka þátttöku og sveigjanleika; verum á undan, ekkert óvænt,“ sagði Birgir og undirstrikaði þannig gildi þess að geta brugðist rétt við breyttum aðstæðum.

Það er alltaf ánægjulegt og mikill heiður þegar stjórnendur og starfsmenn Blue Car Rental fá tækifæri til að miðla þekkingu sinni og reynslu.

Birgir stóð sig með stakri prýði á ráðstefnunni og uppskar verðskuldað lófatak og lof fyrir sitt framlag. Bæði frá viðstöddum í salnum og áhorfendum heima.

Vel gert, Biggi!

Um miðjan maí fékk fyrirtækið Terra afhentan sinn fyrsta Kia EV3 rafbíl í langtímaleigu frá Blue Car Rental. Bíllinn var afhentur við starfsstöð Blue á Fiskislóð í Reykjavík, þar sem Óli Hafsteinn, vaktstjóri hjá Blue, afhenti Guðna Má Ægissyni, sérfræðingi í upplýsingatæknideild Terra, lyklana að nýja rafbílnum.

Samstarf Blue Car Rental og Terra hefur verið farsælt undanfarin ár og markar afhending EV3-bílsins næsta skref í vistvænni bílanotkun Terra.

Terra er eitt af fjölmörgum fyrirtækjum og félögum sem Blue Car Rental þjónustar um land allt. Á síðustu árum hefur áhersla Blue á vistvænar lausnir aukist, meðal annars með fjölgun rafbíla í bílaflota fyrirtækisins.

Blue Car Rental og Knattspyrnudeild Keflavíkur hafa skrifað undir nýjan styrktarsamning þar sem Blue verður áfram stærsti styrktaraðili félagsins næstu tvö árin. Samningurinn var undirritaður á stuðningsmannakvöldi Keflavíkur þann 6. maí og markar nýjan áfanga í langvarandi og farsælu samstarfi fyrirtækisins við knattspyrnudeildina.

Um er að ræða samning til tveggja ára og er hann sá stærsti í sögu Knattspyrnudeildar Keflavíkur. Samstarfið tryggir áframhaldandi sýnileika Blue Car Rental á öllum treyjum liðsins frá yngstu iðkendum til meistaraflokka.

„Sem miklir Keflvíkingar eru við afar stoltir af þessu samstarfinu og sjáum þetta ekki einungis sem auglýsingu heldur sem raunverulegt og mikilvægt samfélagssamstarf,“ segja bræðurnir Magnús Sverrir og Þorsteinn Þorsteinsson, eigendur Blue Car Rental.

„Það er okkur hjartans mál að styðja við öflugt íþróttastarf á Suðurnesjum og leggja okkar af mörkum til jákvæðra áhrifa í samfélaginu. Við hlökkum til að fylgjast með framhaldinu og vera hluti af þessari vegferð.“

Ómetanlegur stuðningur

Böðvar Jónsson, formaður knattspyrnudeildar Keflavíkur, sagði við undirritun samningsins að hann væri afar þakklátur fyrir stuðninginn og undirstrikaði hversu mikilvægt væri fyrir félagið að hafa trausta og sterka samstarfsaðila.

„Við erum óendanlega þakklát starfsfólki og stjórnendum Blue fyrir ómetanlegan stuðning sem nær langt út fyrir knattspyrnudeildina. Blue Car Rental er ekki aðeins bakhjarl okkar heldur einnig sterkur stuðningsaðili íþróttahreyfingarinnar í heild og fjölmargra samfélagsverkefna.“

Nýtt lógó í sumar

Í ljósi þess að Blue Car Rental vinnur að endurmörkun vörumerkisins munu stelpurnar í Keflavík hefja tímabilið með auða framhlið á treyjunum, en verða jafnframt fyrstar til að bera nýja lógóið þegar það verður kynnt síðar í sumar. Karlaliðið mun hefja tímabilið með núverandi merki, en stefnt er að því að uppfæra treyjurnar þeirra í samræmi við nýtt útlit síðar í sumar.

Blue Car Rental hefur verið traustur bakhjarl knattspyrnunnar í Keflavík um árabil og með þessum nýja samningi er tryggt að það samstarf haldi áfram að blómstra. 

Dacia Bigster er nýjasta viðbótin í bílaleiguflóru Blue Car Rental og fer hann í útleigu á næstu dögum. Alls bætast 60 eintök af Dacia Bigster við bílaflota fyrirtækisins og ljóst er að mikil eftirvænting ríkir fyrir bílnum í sumar.

Bigster er nú þegar farinn að bókast vel og allt bendir til þess að hann verði einn af vinsælustu bílaleigubílum Blue Car Rental sumarið 2025.

„Mér líst mjög vel á hann,“ segir Birgir Ólafsson, fjármálastjóri Blue Car Rental.
„Þetta er góður ferðabíll með góða veghæð og virkar almennt mjög vel. Við vitum að erlendir ferðamenn sækjast mikið í svona bíla.“

Dacia Bigster er öflug viðbót við þann fjölbreytta flota sem Blue Car Rental býður viðskiptavinum sínum upp á. Dacia Duster hefur lengi verið vinsælasti bílaleigubíllinn hjá fyrirtækinu, en með komu Bigster er Blue sannarlega betur í stakk búið að mæta fjölbreyttum þörfum ferðamanna sem leggja land undir fót á Íslandi.

Á dögunum tóku millistjórnendur Blue Car Rental þátt í fjögurra daga stjórnendanámskeiði sem ætlað var að styrkja þá í hlutverki sínu sem leiðtogar og stjórnendur. Námskeiðið var haldið af Ragnari Matthíassyni mannauðsráðgjafa og var bæði hagnýtt og hvetjandi.

Áhersla var lögð á atriði eins og tímastjórnun, sjálfstraust, samskipti, stjórnunaraðferðir og mannauðsstjórnun. Þátttakendur fengu tækifæri til að skoða eigin stjórnunarstíl, læra hvernig best sé að veita endurgjöf, bæta upplýsingaflæði og styðja við gott starfsumhverfi. Einnig var fjallað um mikilvægi þess að stjórnendur hafi áhrif á vinnustaðamenningu og geti leitt breytingar með jákvæðum hætti.

Námskeiðið einkenndist af líflegum umræðum, raunhæfum dæmum og verkefnum sem tengdust beint daglegum verkefnum þátttakenda. Það var frábært að sjá hversu vel hópurinn tók þátt og hvað allir höfðu mikið að segja og deila.

Við erum virkilega stolt af því að eiga svona öflugt stjórnendateymi og hlökkum til að sjá áframhaldandi áhrif námskeiðsins í okkar daglega starfi.

Það var sannkölluð hátíð á Hæfingarstöðinni í Reykjanesbæ þegar tónlistarmaðurinn Patrik Atlason, betur þekktur sem Prettyboitjokkó, mætti á Páskagleði 8 apríl síðastalinn og tók nokkur lög fyrir gesti.

Viðburðurinn var á vegum Blue Car Rental og vakti mikla lukku meðal viðstaddra. Prettyboitjokkó lét ekki sitt eftir liggja og skapaði einstaka stemningu með lifandi tónlist, kveðjum og gleði. Auk þess að færa öllum vegleg páskaegg að gjöf. 

Meðlimir Hæfingarstöðvarinnar tóku þátt af mikilli innlifun ásamt starfsfólki stöðvarinnar og nokkrum starfsmönnum Blue Car Rental, sem stóðu fyrir viðburðinum.

Blue Car Rental leggur sérstaka áherslu á að styðja við sitt nærumhverfi og hefur átt farsælt og ánægjulegt samstarf við Hæfingarstöðina um árabil. Það var því sérstaklega dýrmætt að fá tækifæri til að eiga þessa gleðistund með því frábæra fólki sem þar starfar og sækir þjónustu.

Í byrjun mars voru öryggisdagar haldnir hjá Blue Car Rental, þar sem starfsmenn allra deilda sóttu fjölbreytt öryggisnámskeið. Markmiðið var að efla öryggisvitund starfsfólks og tryggja öruggari vinnustað fyrir alla.

Öryggi í fyrirrúmi

Hjá Blue Car Rental er öryggi starfsfólks og viðskiptavina ávallt í forgangi. Fyrirtækið leggur mikla áherslu á öryggismál enda lykilþáttur í starfsemi okkar og fyrirtækjamenningu.

Öryggisdagarnir voru mikilvægur hluti af því og náðu til þriggja helstu sviða: skyndihjálpar, sjálfsvarnar og brunavarna.

Skyndihjálparnámskeið

Öllu starfsfólki fyrirtækisins var boðið skyndihjálparnámskeið á vegum Rauða kross Íslands, þar sem farið var yfir grunnatriði skyndihjálpar. Þeir sem sóttu námskeiðið fengu fræðslu og þjálfun í hjartahnoði, notkun hjartastuðtækis, viðbrögðum við köfnun og notkun ofnæmispenna. Námskeiðin voru bæði á íslensku og ensku, og að þeim loknum fengu þátttakendur skyndihjálparskírteini.

Sjálfsvarnarnámskeið

Einnig var boðið upp á sjálfsvarnarnámskeið fyrir starfsfólk í framlínu fyrirtækisins, þar sem farið var yfir viðbrögð við aðstæðum sem geta kallað á sjálfsvörn. Námskeiðið var tveggja tíma langt og var sérstaklega ætlað starfsfólki í afgreiðslu og öðrum framlínustörfum.

Brunavarnanámskeið

Að auki sótti starfsfólk brunavarnanámskeið á vegum Securitas, þar sem lögð var áhersla á forvarnir og viðbrögð við eldhættu. Í lok námskeiðsins fengu starfsmenn tækifæri til að prófa að slökkva eld með slökkvitæki, sem var bæði gagnlegt og fræðandi.

Öryggi er ávallt í forgangi hjá Blue Car Rental, bæði fyrir starfsfólk og viðskiptavini. Við trúum því að með aukinni öryggisvitund starfsmanna verður vinnustaðurinn ekki aðeins öruggari heldur þjónustan við viðskiptavini enn betri.

Blue Car Rental endurnýjar samstarf við Fimleikadeild Keflavíkur

Blue Car Rental hefur endurnýjað samstarfssamning sinn við Fimleikadeild Keflavíkur og heldur því áfram að styðja við öflugt íþróttastarf barna og ungmenna á Suðurnesjum.

Fimleikadeild Keflavíkur hefur um árabil unnið mikilvægt starf og skapað börnum og ungmennum vettvang til að hreyfa sig, efla sjálfstraust og njóta samveru með öðrum.

„Við erum virkilega ánægð með að halda samstarfinu áfram. Það skiptir okkur hjá Blue máli að styðja við öflugt íþrótta- og æskulýðsstarf í nærumhverfinu og leggja okkar af mörkum til starfsemi sem hefur jákvæð áhrif á börn, fjölskyldur og samfélagið í heild,“ segir Þorsteinn Þorsteinsson framkvæmdarstjóri Blue Car Rental.

Við hlökkum til áframhaldandi samstarfs við Fimleikadeild Keflavíkur 💙

Blue Car Rental Ljósberi Ljósanætur annað árið í röð

Blue Car Rental verður annað árið í röð Ljósberi Ljósanætur og erum við afar stolt af því að fá áfram að styðja við eina stærstu og skemmtilegustu hátíð Reykjanesbæjar.

Blue á sterkar rætur í Reykjanesbæ. Hér hefur fyrirtækið vaxið og dafnað og stór hluti starfsfólks okkar býr og starfar á Suðurnesjum

Ljósanótt er einstök hátíð sem sýnir vel þann kraft, sköpunargleði og samheldni sem einkennir Reykjanesbæ. Á bak við hátíðina stendur stór hópur fólks sem leggur ómælda vinnu í undirbúning og framkvæmd og skapar þá stemningu sem við fáum öll að njóta þegar bærinn fyllist af lífi.

Það skiptir okkur hjá Blue máli að styðja við slíkt framtak og láta gott af okkur leiða í því samfélagi sem við tilheyrum.

Það sem gerir þátttökuna í Ljósanótt sérstaklega dýrmæta fyrir okkur er fólkið okkar. Stór hluti starfsfólks Blue býr á Suðurnesjum og Ljósanótt er hátíð sem margir þekkja vel, taka þátt í og njóta ár eftir ár með fjölskyldu og vinum.

„Ljósanótt er hátíð sem skiptir fólkið okkar miklu máli. Margir hjá Blue búa hér á svæðinu, taka þátt í hátíðinni og njóta hennar með fjölskyldu og vinum. Fyrir okkur er því sérstaklega ánægjulegt að geta lagt okkar af mörkum og stutt við hátíð sem skapar þessa einstöku stemningu og samveru í Reykjanesbæ. Við erum virkilega stolt af því að vera Ljósberi annað árið í röð,“ segir Magnús Sverrir [Eigandi Blue Car Rental].

Blue Car Rental og Golfklúbbur Suðurnesja hafa gert með sér samstarfssamning og verður Blue þar með einn af styrktaraðilum klúbbsins.

Samstarfið fellur vel að þeirri áherslu Blue að styðja við öflugt íþrótta- og félagsstarf í nærumhverfinu og taka virkan þátt í samfélaginu á Suðurnesjum.

„Okkur þykir sérstaklega vænt um samstarf sem tengist bæði samfélaginu okkar og fólkinu okkar. Við erum með öflugan hóp golfara innan Blue og því fannst okkur þetta passa einstaklega vel. Golfklúbbur Suðurnesja heldur úti frábæru starfi hér á svæðinu og við erum stolt af því að geta lagt okkar af mörkum og stutt við áframhaldandi uppbyggingu klúbbsins,“ segir Þorsteinn Þorsteinsson framkvæmdarstjóri hjá Blue Car Rental.

Samstarfið við Golfklúbb Suðurnesja er því eðlilegt skref fyrir Blue og fellur vel að þeirri áherslu okkar að vera virkur þátttakandi í samfélaginu sem við störfum í.

Við hlökkum til samstarfsins við GS – bæði innan vallar sem utan.

Blue Car Rental hefur undanfarin ár lagt gríðarlega mikla áherslu á aukin gæði í þjónustu og sölu með það fyrir augum að auka upplifun viðskiptavina sinna.  Lagt var af stað í það verkefni að bæta alla snertifleti upplifunar, þ.e. frá pöntun og þar til bifreið er skilað. 

Í því verkefni hefur áhersla verið lögð á aukna sjálfvirknivæðingu án þess þó að það komi niður á persónulegri þjónustu. Með þessu teljum við okkur vera að koma til móts við mismunandi þarfir viðskiptavina Blue Car Rental sem telja yfir milljón á þeim 14 árum sem fyrirtækið hefur verið starfandi. 

Síðasta haust fór fram fundur tengdum ferðaþjónustu á Reykjanesinu þar sem gæði þjónustu og upplifun viðskiptavina var meðal annars umræðuefnið. Á þeim fundi komumst við í samband við Ólínu hjá Hæfnissetri ferðaþjónustunnar (hæfni.is). Hæfnisetrið er í mikilli snertingu og samtölum við íslenska ferðaþjónustu. Eftir gott samtal við Ólínu skapaðist hugmynd að leið til þess að efla færni starfsfólks í framlínu í þjónustu og sölu hjá Blue Car Rental.

Ákveðið var að setja af stað vinnustofur og markþjálfun í samstarfi við ráðgjafann Kristján Aðalsteinsson hjá Krissi Coach.

Vinnustofurnar og þjálfunin með Kristjáni hófst á vetrarmánuðum 2023. Á sama tíma var fyrirtækið að taka upp nýtt sölubónuskerfi sem hannað var með það fyrir augum að hvetja starfsfólk til góðra verka en ekki síður efla liðsanda. Það varð strax ljóst að þjálfunin studdi mjög vel við þá innleiðingu. Árangur starfsfólks Blue Car Rental varð strax áþreifanlegur í kjölfarið en aukin samvinna og sala hafði í för með sér fjárhagslegan ávinning fyrir bæði starfsfólkið sjálft og fyrirtækið.

Á vinnustofunum var farið yfir ýmsa þætti er líta að þjónustu og sölu og leiðir ræddar sem styðja gætu starfsfólk til enn betri verka. Kristján lagði mikla áherslu á að innvinkla og leita álits starfsfólks, meðal annars þegar farið var yfir þjónustu- og söluaðferðir sem notaðar eru hjá Blue Car Rental.

Til viðbótar við vinnustofurnar var starfsfólki einnig boðið að sækja sér markþjálfun hjá Kristjáni.  Markþjálfun eru einstaklings samtöl þar sem starfsfólki var hjálpað að skerpa á markmiðum sínum, framtíðarsýn og koma auga á tækifæri í styrkleikum sínum til að efla sig enn frekar. Hluti starfsfólks hefur nýtt sér markþjálfunina áfram.

Það er trú okkar sem fyrirtækis að vinnustofurnar og þjálfunin muni ekki einungis koma til með að nýtast starfsfólki heldur einnig fyrirtækinu sjálfu. Við lítum svo á að vel þjálfað starfsfólk sé í senn sjálfsöruggara og ánægðra og betur í stakk búið til að þjónusta viðskiptavini sína með þeim hætti að upplifun þeirra verði sem best.

Sævar Sævarsson – aðstoðarframkvæmdastjóri Blue Car Rental

Ólína Laxdal -  sérfræðingur, Hæfnissetri ferðaþjónustunnar

Markaðsteymi Blue Car Rental hlaut á dögunum önnur verðlaun Global Digital Excellence Awards 2023. Global Digital Excellence Awards eru verðlaun sem heiðra vefsíður, herferðir, verkfæri og teymi fyrir framúrskarandi árangur í stafræna heiminum og eru verðlaunin veitt í yfir 40 flokkum. Blue Car Rental teymið fékk tilnefningu fyrir Paid media campaign of the year og lenti í öðru sæti með herferðina Life´s too short. 

,,Tókum stöðutékk og áttuðum okkur á því að við vorum búin að áorka sjúlluðum árangri 🚙 

Enginn getur neitt einsamall, við hófum samstarf með Sahara í september 2022 og hefur það samstarf skilað frábærum árangri. Sameiginleg sýn og samvinna er lykillinn að því að við enduðum á þeim stað sem lagt var upp með. Það er gríðarlegur lærdómur í því fólginn að sameina teymi í breytingum og þess þó heldur er mikilvægt að fagna stórum sem smáum sigrum.
Allt snýst þetta um að ná til rétts fólks á réttum tíma og á réttum miðlum. Við settum okkur markmið í byrjun árs og í samstarfi við Sahara þá settum við upp alhliða gagnadrifna stefnu sem átti að vera og varð sérsniðin að einstökum þörfum mögulegra viðskiptavina. Sahara leiddi okkur inn í krefjandi en mjög skemmtilegt tímabil sem leiddi af sér frábæran árangur,''